പൊന്നാനിയില് സിപിഐഎം സ്ഥാനാര്ത്ഥി നിര്ണയത്തില് പ്രതിഷേധിച്ച് പ്രവര്ത്തകരുടെ പരസ്യ പ്രകടനം. പി. നന്ദകുമാറിന്റെ സ്ഥാനാര്ത്ഥി നിര്ണയത്തിന് എതിരെയാണ് പ്രതിഷേധം. ജില്ലാ കമ്മിറ്റി അംഗം ടി.എം. സിദ്ദിഖിനെ സ്ഥാനാര്ത്ഥിയാക്കണമെന്നാണ് പ്രതിഷേധക്കാരുടെ ആവശ്യം.
സിപിഐഎമ്മിന്റെ വലിയൊരു വിഭാഗം പ്രവര്ത്തകരാണ് പ്രതിഷേധവുമായി രംഗത്തെത്തിയിരിക്കുന്നത്. ‘ നേതാക്കളെ പാര്ട്ടി തിരുത്തും പാര്ട്ടിയെ ജനം തിരുത്തും’ എന്ന ബാനറുമായാണ് പ്രവര്ത്തകര് പ്രകടനം നടത്തുന്നത്.
കഴിഞ്ഞദിവസാണ് സിപിഐഎമ്മിന്റെ സ്ഥാനാര്ത്ഥി സാധ്യതാ പട്ടിക പുറത്തുവന്നത്. ഇപ്പോള് പാര്ട്ടി മുന്നോട്ടുവച്ചിരിക്കുന്ന സ്ഥാനാര്ത്ഥിയെ തങ്ങള്ക്ക് സ്വീകാര്യമല്ലെന്നും പകരം മണ്ഡലത്തില് സജീവമായിട്ടുള്ള ടി.എം. സിദ്ദിഖിനെ സ്ഥാനാര്ത്ഥിയാക്കണമെന്ന ആവശ്യവുമായാണ് പാര്ട്ടി പ്രവര്ത്തകര് പ്രകടനം നടത്തുന്നത്.
പൊന്നാനിയില് സ്പീക്കര് പി. ശ്രീരാമകൃഷ്ണനു പകരം പി. നന്ദകുമാര് സ്ഥാനാര്ത്ഥിയാകുമെന്ന സംസ്ഥാന നേതൃത്വത്തിന്റെ നിര്ദേശം ജില്ലാ കമ്മിറ്റി അംഗീകരിച്ചിരുന്നു
Post a Comment