മാനസിക വെല്ലുവിളി നേരിടുന്നവരുടെ പേരില് രജിസ്റ്റര് ചെയ്തിരിക്കുന്ന വാഹനങ്ങളുടെ നികുതി ഒഴിവാക്കിയതായി ഗതാഗതമന്ത്രി ആന്റണി രാജു. ഓട്ടിസം,സെറിബ്രല് പാള്സി, മള്ട്ടിപ്പിള് ഡിസെബിലിറ്റി എന്നിവയുള്ളവര്ക്കാണ് ഇളവ് അനുവദിക്കപ്പെടുക. ഈ വ്യക്തികളുടെ പേരില് രജിസ്റ്റര് ചെയ്തിരിക്കുന്ന വാഹനങ്ങളുടെ നികുതി ഒഴിവാക്കിയതായി വിജ്ഞാപനം പുറപ്പെടുവിച്ചെന്ന് മന്ത്രി വ്യക്തമാക്കി. സര്ക്കാര് മേഖലയിലെ മെഡിക്കല് ബോര്ഡ് 40% ഭിന്നശേഷി ശുപാര്ശ ചെയ്തവര്ക്കാണ് ആനുകൂല്യം ലഭിക്കുക. ഭിന്നശേഷിക്കാരുടെ ഏഴ് ലക്ഷം രൂപ വരെ വിലയുള്ള വാഹനങ്ങള്ക്കാണ് നികുതി ഒഴിവാക്കിയിരിക്കുന്നത്. ശാരീരികമായി വെല്ലുവിളി നേരിടുന്നവര്ക്ക് നല്കി വരുന്ന ആനുകൂല്യമാണ് മാനസികമായി വെല്ലുവിളികള് നേരിടുന്നവര്ക്ക് കൂടി ലഭ്യമാക്കിയിരിക്കുന്നത്.
Post a Comment