Video
പലരുടെയും സ്റ്റാറ്റസുകളിലും സ്റ്റോറികളിലും നിറഞ്ഞു നിൽക്കുന്ന വീഡിയോയുടെ സൃഷ്ടാക്കൾ പ്രശസ്ത സേവ് ദി ഡേറ്റ് വിഡിയോ നിർമ്മാതാക്കളായ ആത്രേയ ഫോട്ടോഗ്രാഫിയാണ്. സേവ് ദി ഡേറ്റ് വിഡിയോകളിൽ വ്യത്യസ്ത പരീക്ഷണങ്ങൾ നടത്താറുള്ള ജിബിൻ ജോയ് ആണ് ഈ വീഡിയോ ആശയത്തിന്റെ പിന്നിൽ പ്രവർത്തിച്ചിരിക്കുന്നത്.
എന്നാൽ, പലരും ഈ വീഡിയോയിൽ കാണുന്നത് അവരുടെ യഥാർത്ഥ പ്രണയകഥയാണ് എന്നാണ് ധരിച്ചിരിക്കുന്നത്. പക്ഷെ, അത് തെറ്റിദ്ധാരണ മാത്രമാണ് എന്നതാണ് വാസ്തവം. ആലപ്പുഴ സ്വദേശികളായ സൂരജിന്റെയും കീർത്തനയുടെയും സേവ് ദി ഡേറ്റ് വീഡിയോ ആണ് ടെക്സ്റ്റയിൽസ് പ്രണയത്തിന്റെ ആശയത്തിൽ ഇപ്പോൾ സോഷ്യൽ മീഡിയയിൽ തരംഗമായിരിക്കുന്നത്.
വാസ്തവത്തിൽ ഇരുവരും വിദേശത്ത് ജോലി ചെയ്യുന്നവരാണ്. കഴിഞ്ഞ 9 വർഷമായി ദുബായിൽ ജോലി ചെയ്യുന്ന സൂരജും ഓസ്ട്രേലിയയിൽ ജോലി ചെയ്യുന്ന കീർത്തനയും പ്രണയത്തിലാണ്. സാമൂഹ്യ മാധ്യമങ്ങളാണ് കടൽ കടന്നുള്ള ഈ പ്രണയത്തിന്റെ വിത്തുകൾ പാകിയതും വേരുകൾ അടിയുറപ്പിച്ചതും. വസ്ത്രശാലയിലെ പ്രണയം എന്ന ആശയം പണ്ട് അവിടെ നടന്ന സെയിൽസ് ഗേൾ–ബോയ് യഥാർത്ഥ പ്രണയ കഥയാണ്. ആത്രേയ ഫോട്ടോഗ്രാഫിയിലെ ജിബിൻ ജോയ് അതിന് ജീവൻ നൽകി. ഏപ്രിൽ 27-നായിരുന്നു കീർത്തനയുടെയും സൂരജിന്റെയും വിവാഹം.
Post a Comment