കാവേരി പ്രശ്നം; സെപ്റ്റംബർ 26 ന് ബാംഗ്ലൂർ ബന്ദ്

തമിഴ്‌നാടിന് കാവേരി ജലം വിട്ടുനൽകുന്നതിൽ നിന്ന് കർണാടക സർക്കാർ വിട്ടുനിൽക്കണമെന്ന് ആവശ്യപ്പെട്ട് കർഷകരും കന്നഡ അനുകൂല സംഘടനകളും ഉൾപ്പെടെയുള്ള വിവിധ സംഘടനകൾ സെപ്റ്റംബർ 26 ന് രാവിലെ 6 മുതൽ വൈകുന്നേരം 6 വരെ ബെംഗളൂരു ബന്ദിന് ആഹ്വാനം ചെയ്തിട്ടുണ്ട്.

സ്‌കൂളുകൾക്കും കോളേജുകൾക്കും ഐടി കമ്പനികൾക്കും ഫിലിം ചേംബറിനും അവധി പ്രഖ്യാപിക്കണമെന്ന് കർഷക നേതാവ് കുറുബുരു ശാന്തകുമാർ അഭ്യർത്ഥിച്ചു. സംസ്ഥാന സർക്കാർ പ്രത്യേക നിയമസഭാ സമ്മേളനം വിളിക്കണമെന്നും അദ്ദേഹം ആവശ്യപ്പെട്ടിട്ടുണ്ട്. സെപ്റ്റംബർ 26ന് രാവിലെ 11ന് ടൗൺഹാളിൽ നിന്ന് മൈസൂരു ബാങ്ക് സർക്കിളിലേക്ക് പ്രതിഷേധ മാർച്ച് നടത്തുമെന്ന് ഫ്രീഡം പാർക്കിൽ മാധ്യമപ്രവർത്തകരോട് സംസാരിക്കവെ അദ്ദേഹം പറഞ്ഞു.