മഴക്കാലത്ത് പടർന്നു പിടിക്കാൻ സാധ്യതയുള്ള ഒരു രോഗമാണ് ചെങ്കണ്ണ്. കണ്ണിന് ചുവപ്പ്, തടിപ്പ്, കണ്ണില് നിന്ന് തുടരെ വെള്ളം വരല് തുടങ്ങിയവയാണ് ഇതിന്റെ പ്രധാന ലക്ഷണം. ഒരാളില് നിന്ന് മറ്റൊരാളിലേക്ക് എളുപ്പത്തില് പടരുന്നതാണ് ചെങ്കണ്ണ്. തിരക്കേറിയ സ്ഥലങ്ങളില് വ്യാപനസാധ്യത കൂടുതലായതിനാല് കുട്ടികള്ക്ക് കൂടുതല് കരുതല് വേണം. സാധാരണ ഗതിയില് 5 മുതല് 7 ദിവസം വരെ ചെങ്കണ്ണ് നീണ്ടു നില്ക്കാം. രോഗം സങ്കീര്ണമായാല് 21 ദിവസം വരേയും നീണ്ടുനില്ക്കാം. ചെങ്കണ്ണ് ബാധിച്ചാല് എത്രയും വേഗം നേത്രരോഗ വിദഗ്ധന്റെ നിര്ദേശ പ്രകാരം ചികിത്സ തേടണം. രോഗമുള്ള കുട്ടികളെ സ്കൂളില് വിടരുത്. കുട്ടികളുള്പ്പെടെ എല്ലാവരും രോഗം ഭേദമാകുന്നതുവരെ വീട്ടില് വിശ്രമിക്കുക.
Post a Comment