അധ്യാപകൻ പ്രൊഫസര് ടിജെ ജോസഫിന്റെ കൈവെട്ടിയ കേസില് മുഖ്യപ്രതി പിടിയില്. സംഭവം നടന്ന് 13 വര്ഷങ്ങൾക്ക് ശേഷമാണ് കേസില് ഒന്നാം പ്രതിയായ സവാദിനെ എന്ഐഎ അറസ്റ്റ് ചെയ്തത്. അശമന്നൂർ നൂലേലി മുടശേരി സവാദ് (38) ആണ് കണ്ണൂരിൽ നിന്ന് പിടിയിലായത്. കൊച്ചിയിൽ നിന്നുള്ള പ്രത്യേക യൂണീറ്റ് കണ്ണൂരിൽ എത്തിയാണ് പ്രതിയെ കസ്റ്റഡിയിലെടുത്തത്.
2010 ജൂലൈയില് സംഭവത്തിനുശേഷം സവാദ് ഒളിവിലായിരുന്നു. 2010 ജൂലൈ നാലിനായിരുന്നു തൊടുപുഴ ന്യൂമാൻ കോളേജിലെ പ്രൊഫസറായിരുന്ന ടിജെ ജോസഫിന്റെ കൈ മതനിന്ദ ആരോപിച്ച് വെട്ടിയത്. പോപ്പുലര് ഫ്രണ്ട് പ്രവര്ത്തകനായിരുന്നു സവാദ്.കേസിലെ ഒന്നാം പ്രതിയായ സവാദിനായി പാക്കിസ്ഥാൻ, ദുബായ്, അഫ്ഗാനിസ്ഥാൻ, നേപ്പാൾ, മലേഷ്യ എന്നിവിടങ്ങൾ അന്വേഷണം നടത്തിയിരുന്നു. സവാദിനെ കണ്ടെത്താന് സഹായിക്കുന്നവര്ക്ക് എന്ഐഎ തുക പ്രഖ്യാപിച്ചിരുന്നു. കേസിലെ മറ്റു പ്രതികളായ സജിൽ, നാസർ, നജീബ്, നൗഷാദ്, മൊയ്തീൻ കുഞ്ഞ്, അയൂബ് എന്നിവരെ എൻഐഎ കോടതി ശിക്ഷിച്ചിരുന്നു
Post a Comment