കൂട്ടുപുഴയിൽ വാഹനപരിശോധനക്കിടെ എം ഡി എം എ യുമായി പഴയങ്ങാടി സ്വദേശിയായ യുവാവ് പിടിയിൽ. കെ.പി. നൗഷാദ് (37) ആണ് അരലക്ഷം രൂപയോളം വരുന്ന 14.139 ഗ്രാം എം ഡി എം എ യുമായി പിടിയിലായത്. കണ്ണൂർ റൂറൽ ജില്ലാ പോലീസ് മേധാവി അനൂജ് പലിവാൾ ഐ പി എസിന് കിട്ടിയ രഹസ്യ വിവരത്തിന്റെ അടിസ്ഥാനത്തിൽ കണ്ണൂർ റൂറൽ ജില്ലാ ലഹരി വിരുദ്ധ സ്ക്വാഡും ( ഡാൻസാഫ് ) ഇരിട്ടി പോലീസ് സ്റ്റേഷൻ എസ് എച്ച് ഒ കെ. കുട്ടികൃഷ്ണൻ, എസ് ഐ കെ. ഷറഫുദീൻ എന്നിവരുടെ നേതൃത്വത്തിലുള്ള ഇരിട്ടി പോലീസും സംയുക്തമായി കൂട്ടുപ്പുഴയിൽ വെച്ച് നടത്തിയ വാഹന പരിശോധനയിലാണ് ഞായറാഴ്ച വൈകിട്ട് 04:00 മണിയോടെ ഇയാൾ പിടിയിലായത്. നർകോട്ടിക് സെൽ ഡി വൈ എസ് പി പി കെ . ധനഞ്ജയ ബാബു വിന്റെ മേൽനോട്ടത്തിൽ ഓപ്പറേഷൻ ഡി ഹണ്ട് ന്റെ ഭാഗമായി കണ്ണൂർ റൂറൽ ജില്ലയുടെ വിവിധ സ്ഥലങ്ങളിൽ ശക്തമായ വാഹന പരിശോധനയാണ് നടന്നു വരികയാണ്. പഴയങ്ങാടി, തളിപ്പറമ്പ് പരിയാരം ഭാഗങ്ങളിൽ വ്യാപകമായി എം ഡി എം എ പോലുള്ള മയക്കുമരുന്നുകൾ വിൽപ്പന നടത്താറുണ്ടെന്ന് പ്രതിയെ ചോദ്യം ചെയ്തതിൽ നിന്നും വ്യക്തമായി. സീനിയർ സിവിൽ പോലീസ് ഓഫീസർ പ്രബീഷ്, സിവിൽ പോലീസ് ഓഫീസർ ജയൻ എന്നിവരും, ജില്ലാ ലഹരി വിരുദ്ധ സ്ക്വാഡ് അംഗങ്ങളും പ്രതിയെ പിടികൂടിയ സംഘത്തിൽ ഉണ്ടായിരുന്നു.
Post a Comment