പൊതുവിദ്യാഭ്യാസ വകുപ്പ്, സമഗ്രശിക്ഷാ കേരളം കണ്ണൂര്, കൊച്ചി ശാസ്ത്രസാങ്കേതിക സര്വ്വകലാശാല എന്നിവയുടെ ആഭിമുഖ്യത്തില് ഫെബ്രുവരി ഒമ്പത്, പത്ത് തിയ്യതികളില് കണ്ണൂര് സര്വ്വകലാശാലയുടെ സഹകരണത്തോടെ സ്ട്രീം അക്കാദമിക് പ്രോജക്ടുകളുടെ ജില്ലാതല അവതരണം സംഘടിപ്പിക്കുന്നു. കണ്ണൂര് സര്വ്വകലാശാല മാങ്ങാട്ടുപറമ്പ് സെമിനാര് കോംപ്ലക്സില് നടക്കുന്ന പരിപാടിയില് ജില്ലയിലെ എല്ലാ ഉപജില്ലകളില് നിന്നുമുള്ള വിദ്യാര്ഥികള് സ്ട്രീം പ്രോജക്ടിന്റെ ഭാഗമാകും. ഒരു ഉപജില്ലയില് നിന്നും രണ്ട് ഗവേഷണ പ്രോജക്ടുകളാണ് ഇതിന്റെ ഭാഗമായി കുട്ടികള് വികസിപ്പിച്ചത്. പഠനപ്രബന്ധങ്ങള് ഉള്ക്കൊള്ളുന്ന സമാഹാരം 'ജ്ഞാനനിര്മ്മാണം കുട്ടിഗവേഷകരിലൂടെ' എന്ന പേരില് അധ്യാപകര് തയ്യാറാക്കിയ പുസ്തകത്തിന്റെ പ്രകാശനവും പാനല് ചര്ച്ചകള്, സംവാദം എന്നിവയും നടക്കും. പങ്കെടുക്കുന്ന വിദ്യാര്ഥികള് രാവിലെ 9.30 ന് മാങ്ങാട്ടുപറമ്പ് ക്യാമ്പസിലെ സെമിനാര് കോംപ്ലക്സില് രജിസ്ട്രേഷന് പൂര്ത്തിയാക്കണം.
Post a Comment