തിരുവനന്തപുരം:മാധ്യമപ്രവര്ത്തകന് കെ എം ബഷീറിനെ വാഹനമിടിച്ച് കൊലപ്പെടുത്തിയ കേസില് അപകടത്തിന്റെ സിസി ടി വി ദൃശ്യങ്ങള് കുറ്റാരോപിതനായ ശ്രീറാം വെങ്കിട്ടരാമന് ഐഎഎസിന് നല്കാമെന്ന് കോടതി. ദൃശ്യങ്ങളുടെ പകര്പ്പ് ശ്രീറാം വെങ്കിട്ടരാമന് നല്കുന്നതിന് സാങ്കേതിക തടസമില്ലെന്ന് ഫോറന്സിക് ഡയറക്ടര് കോടതിയെ അറിയിച്ചു. സൈബര് സെല് ഡിവൈഎസ്പി തുടര്നടപടി സ്വീകരിക്കണമെന്നും നിര്ദേശം നല്കിയിട്ടുണ്ട്.തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് നിര്ദേശം നല്കിയത്. സിസി ടിവി ദ്യശ്യങ്ങള് കൈമാറുന്നതില് എതിര്പ്പില്ലെന്ന് നേരത്തെ പ്രോസിക്യൂഷനും കോടതിയെ അറിയിച്ചിരുന്നു.
2019 ഓഗസ്റ്റില് തിരുവനന്തപുരം മ്യൂസിയം പൊലീസ് സ്റ്റേഷന് സമീപമുണ്ടായ അപകടത്തിലാണ് കെ എം ബഷീര് മരിച്ചത്. ബഷീറിന്റെ ബൈക്കിന് പിന്നില് ശ്രീറാം വെങ്കിട്ടരാമന് ഐഎഎസിന്റെ കാറിടിക്കുകയായിരുന്നു. സിറാജ് പത്രത്തിന്റെ തിരുവനന്തപുരം ബ്യൂറോ ചീഫ് ആയിരുന്നു ബഷീര്.
പിന്നീട് മാധ്യമ പ്രവര്ത്തകര് പൊലീസ് സ്റ്റേഷനിലെത്തിയതോടെയാണ് പൊലീസ് കാറിലുണ്ടായിരുന്ന സ്ത്രീയെ വിളിക്കാന് തയാറായത്. വഫ ഫിറോസ് എന്ന സ്ത്രീയുടെ പേരില് തിരുവനന്തപുരത്ത് രജിസ്റ്റര് ചെയ്ത കാറിലാണ് ശ്രീറാം വെങ്കിട്ടരാമന് സഞ്ചരിച്ചിരുന്നത്.
Post a Comment