കണ്ണൂർ: ചിറ്റാരിപ്പറമ്പ് ഗവ.ഹൈസ്കൂൾ സ്റ്റുഡന്റ്സ് പോലിസ് കേഡറ്റിന്റെ ചുമതലയുണ്ടായിരുന്ന അധ്യാപിക എസ്.പി.സി ചുമതലയുള്ള പോലീസ് ഓഫീസറിൽ നിന്നുമുണ്ടായ മാനസിക പീഢനം മൂലം ആത്മഹത്യയ്ക്ക് ശ്രമിച്ച സംഭവത്തിൽ ഉത്തരവാദിയായ പോലീസ് ഓഫീസർക്കെതിരെ ആത്മഹത്യാ പ്രേരണക്കുറ്റത്തിന് കേസ്സെടുക്കണമെന്നും അദ്ദേഹത്തെ ഉടൻ സസ്പെൻഡ് ചെയ്യണമെന്നും കെ.പി.എസ്.ടി.എ കണ്ണൂർ ജില്ല കമ്മിറ്റി ആവശ്യപ്പെട്ടു. എസ്.പി.സി. ഡെപ്യൂട്ടി നോഡൽ ഓഫീസർ അധ്യാപികയെ മാനസീകമായി പീഢിപ്പിക്കുന്നതിനെതിരെ അധ്യാപിക മുമ്പ് ജില്ല പോലീസ് അധികാരികൾക്ക് പരാതി നൽകിയിരുന്നു. തുടർന്ന് മേൽ പോലീസ് ഉദ്യോഗസ്ഥൻ അധ്യാപികയെ അതിന്റെ പേരിൽ ഭീഷണിപ്പെടുത്തുകയും എസ്.പി.സിയുടെ ചുമതലയിൽ നിന്നും ഒഴിവാക്കുമെന്ന് ഭീഷണിപ്പെടുത്തുകയും ചെയ്തു. ഇതിനെതുടർന്നുണ്ടായ മനോവിഷമത്തിലാണ് ചെണ്ടയാട് സ്വദേശിനിയായ അധ്യാപികയെ അമിതമായി ഗുളിക കഴിച്ച് ആത്മഹത്യയ്ക്ക് ശ്രമിച്ചനിലയിൽ തലശ്ശേരി സഹകരണ ആശുപത്രിയിൽ പ്രവേശിപ്പിച്ചത്. അധ്യാപിക അപകടനില തരണം ചെയ്തിട്ടുണ്ട്.
ഇതേ എസ് പി സി നോഡൽ ഓഫീസർക്കെതിരെ ജില്ലയിലെ മറ്റ് വിദ്യാലയങ്ങളിൽ നിന്നും ധാരാളം പരാതി ഉയരുന്നുണ്ട്. അധ്യാപികയെ മാനസീകമായി പീഢിപ്പിച്ച നോഡൽ ഓഫീസറെ സസ്പെൻഡ് ചെയ്ത് ആത്മഹത്യാ പ്രേരണയ്ക്ക് കേസെടുക്കണമെന്നും അല്ലാത്ത പക്ഷം അധ്യാപകർ ജില്ലയിൽ സ്റ്റുഡന്റ്സ് പോലിസ് പ്രവർത്തനവുമായി സഹകരിക്കുകയില്ലെന്നും യോഗം മുന്നറിയിപ്പു നൽകി.
യോഗത്തിൽ ജില്ല പ്രസിഡണ്ട് യു.കെ.ബാലചന്ദ്രൻ അധ്യക്ഷത വഹിച്ചു. സംസ്ഥാന വൈസ് പ്രസിഡണ്ടുമാരായ കെ.രമേശൻ , വി. മണികണ്ഠൻ, ജില്ല സെക്രട്ടറി ഇ.കെ.ജയപ്രസാദ്, ട്രഷറർ സി.വി.എ ജലീൽ , എം.കെ. അരുണ, സി.എം. പ്രസീത, പി.പി.ഹരിലാൽ, വി.വി. പ്രകാശൻ , ദിനേശൻ പാച്ചോൾ , സുധീർ കുനിയിൽ, കെ.രാജേഷ്, രാമചന്ദ്രൻ . കെ തുടങ്ങിയവർ പ്രസംഗിച്ചു.
Post a Comment