ഇരിട്ടി: ഇരിട്ടി മഹാത്മാഗാന്ധി കോളേജിലെ മൂന്ന് വിദ്യാർഥിനികൾക്ക് മുഖ്യമന്ത്രിയുടെ വിദ്യർത്ഥി പ്രതിഭാ പുരസ്കാരം. എം എസ് സി മാത്തമാറ്റിക്സ് രണ്ടാം വർഷ വിദ്യാർത്ഥിനി ആദിത്യ പ്രദീപ്, ബി എസ് സി കമ്പ്യൂട്ടർ സയൻസ് വിദ്യാർത്ഥിനി എം. ഫർഹാന മുസ്തഫ, ബി എസ് സി ഫിസിക്സ് വിദ്യാർത്ഥിനി അർച്ചന കെ പ്രദീപൻ എന്നിവരാണ് പുരസ്കാരത്തിനര്ഹരായവർ. ഒരു ലക്ഷം രൂപയും പ്രശസ്തി പത്രവുമാണ് പുരസ്കാരമായി ലഭിക്കുക. 2021 -22 കാലയളവിൽ വിവിധ സർവകലാശാലകളിലെയും കോളേജുകളിലെയും പഠന വിഷയങ്ങളിൽ ഉയർന്ന മാർക്ക് ലഭിച്ച വിദ്യാർത്ഥികൾക്കാണ് പുരസ്കാരം നൽകുന്നത്. 25 ന് വ്യാഴാഴ്ച തിരുവനന്തപുരം നിശാഗന്ധി ഓഡിറ്റോറിയത്തിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ പുരസ്കാര വിതരണം നടത്തും.
إرسال تعليق