ആലപ്പുഴ: ഭാര്യയ്ക്ക് മൊബൈൽ ഫോണിൽ സന്ദേശമയച്ചയാളെ ചുറ്റികയ്ക്ക് തലയ്ക്കടിച്ച് പരിക്കേൽപ്പിച്ച കേസിൽ യുവാവ് അറസ്റ്റിൽ. ആലപ്പുഴ സ്വദേശി ജോബിനെയാണ് നോർത്ത് പൊലീസ് അറസ്റ്റ് ചെയ്തത്. കഴിഞ്ഞ ഒമ്പതിനാണ് കേസിനാസ്പദമായ സംഭവം. ഷിബിൻ രാജ് എന്നയാളെയാണ് ജോബിൻ ചുറ്റികയ്ക്കടിച്ച് പരിക്കേൽപ്പിച്ചത്. തലയോട്ടിക്ക് പൊട്ടലേറ്റ ഷിബിൻരാജ് ചികിത്സയിൽ തുടരുകയാണ്.
ആലപ്പുഴ ഡിവൈഎസ്പി മുകേഷ് ജി ബിയുടെ മേൽനോട്ടത്തിൽ ആലപ്പുഴ നോർത്ത് ഇൻസ്പെക്ടർ എം ജെ അരുൺ, എസ് ഐ സജീവ്, എ എസ് ഐമാരായ സുമേഷ്, ഷാജി തോമസ്, സീനിയർ സിവിൽ പൊലീസ് ഓഫീസർമാരായ ഹരീഷ്, ഗിരീഷ്, വിനുകൃഷ്ണൻ എന്നിവരടങ്ങിയ പൊലീസ് സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ ജോബിനെ റിമാൻഡ് ചെയ്തു.
Post a Comment