ആംനെസ്റ്റി സ്കീം പ്രകാരം കുടിശ്ശികയായ ചലാനുകൾ തീർപ്പാക്കുന്നതിനായി മോട്ടോർ വാഹന വകുപ്പും കണ്ണൂർ സിറ്റി ജില്ലാ പോലീസും സംയുക്തമായി പ്രത്യേക സൗകര്യം ഒരുക്കുന്നു. 2026 ഏപ്രിൽ 27, 28, 29 തീയ്യതികളിൽ മട്ടന്നൂർ ആർ.ടി.ഒ എൻഫോഴ്സ്മെന്റ് ഓഫീസിലും, ഏപ്രിൽ 29-ന് കണ്ണൂർ ആർ.ടി.ഒ ഓഫീസ്, തലശ്ശേരി എസ്.ആർ.ടി.ഒ ഓഫീസ് എന്നിവിടങ്ങളിലും വെച്ചാണ് അദാലത്ത് നടക്കുന്നത്. രാവിലെ 10 മണി മുതൽ വൈകിട്ട് 5 മണി വരെ പൊതുജനങ്ങൾക്ക് ഈ സേവനം പ്രയോജനപ്പെടുത്താം.
🔴എന്താണ് ആംനെസ്റ്റി സ്കീം ?
മോട്ടോർ വാഹന നിയമപ്രകാരം 31/12/2024 വരെ ലഭിച്ചിട്ടുള്ള വാഹന ചലാനുകൾക്ക് 50% ഇളവിൽ തീർപ്പാക്കൽ പദ്ധതിയാണ് അംനസ്റ്റി സ്കീം ഈ പദ്ധതി പ്രകാരം രജിസ്റ്റർ ചെയ്യുന്നതിനും പിഴ അടയ്ക്കുന്നതിനുമുള്ള കാലാവധി 30/04/2026 വരെ മാത്രമായിരിക്കും. പോലീസ്, മോട്ടോർ വാഹന വകുപ്പുകൾ ഈടാക്കിയ ചലാനുകൾ അടച്ച് തീർപ്പാക്കാനായി പൊതുജനങ്ങൾക്ക് ഈ പദ്ധതിക്ക് കീഴിൽ രജിസ്റ്റർ ചെയ്യാനും ഓൺലൈനായി ഇളവ് ചെയ്ത തുക അടയ്ക്കാനും സാധിക്കും.
🔴ആംനെസ്റ്റി സ്കീം നിങ്ങൾക്ക് സ്വയം പ്രയോജനപ്പെടുത്താം.
ഇളവ് ലഭിക്കുന്നതിനായി താഴെ കാണുന്ന ലിങ്ക് വഴി അപേക്ഷ സമർപ്പിക്കേണ്ടതാണ്.
https://services.mvd.kerala.gov.in
അപേക്ഷ സമർപ്പിച്ചാൽ ആയതിന്റെ സ്റ്റാറ്റസ് താഴെ കൊടുത്തിരിക്കുന്ന ലിങ്ക് വഴി പരിശോധിക്കുന്നതും പെയ്മെൻറ് നടത്താവുന്നതുമാണ്.
https://services.mvd.kerala.gov.in/etax/otc/status
إرسال تعليق