പച്ചമലയാളം പുതിയ ബാച്ചിലേക്ക് അപേക്ഷിക്കാം

സംസ്ഥാന സാക്ഷരത മിഷന്റെ മലയാള ഭാഷ പഠന കോഴ്സായ പച്ചമലയാളത്തിന്റെ മൂന്നാം ബാച്ചിലേക്ക് അപേക്ഷ ക്ഷണിച്ചു. മലയാളം ശരിയായി എഴുതാനും വായിക്കാനും സംസാരിക്കാനും ആഗ്രഹിക്കുന്നവര്‍ക്ക് ഈ അവസരം പ്രയോജനപ്പെടുത്താം. ആറുമാസ കോഴ്സിലേക്ക് 17 വയസ് പൂര്‍ത്തിയായ പത്താം ക്ലാസ് മുതല്‍ യോഗ്യതയുള്ളവര്‍ക്ക് അപേക്ഷിക്കാം. www.literacymissionkerala.org വെബ്സൈറ്റ് വഴി ഏപ്രില്‍ 30നകം അപേക്ഷിക്കണം. കൂടുതല്‍ വിവരങ്ങള്‍ക്ക് കണ്ണൂര്‍ ജില്ലാ പഞ്ചായത്തിലുള്ള ജില്ലാ സാക്ഷരത മിഷന്‍ ഓഫീസുമായി ബന്ധപ്പെടാം. ഫോണ്‍: 0497 27699.