കണ്ണൂർ: മയ്യില് അരിമ്പ്രയില് കാർ നിയന്ത്രണം വിട്ട് വീടിന്റെ കിണറ്റില് വീണു. കാറിലുണ്ടായിരുന്ന ഡ്രൈവർ അത്ഭുതകരമായി പരുക്കുകളില്ലാതെ രക്ഷപ്പെട്ടു.
ഇന്ന് രാവിലെയാണ് സംഭവം. കുന്നിറക്കത്തിലൂടെ വന്ന കാർ പെട്ടെന്ന് നിയന്ത്രണം വിടുകയായിരുന്നു. ബ്രേക്ക് പിടിക്കാത്തതിനെ തുടർന്ന് കാർ വേഗത്തില് താഴേക്ക് പതിച്ച് റോഡരികിലുള്ള വീടിന്റെ കിണറ്റിലേക്ക് വീഴുകയായിരുന്നു.
ശബ്ദം കേട്ട് ഓടിയെത്തിയ നാട്ടുകാർ കിണറ്റില് നോക്കിയപ്പോള് കാർ മുഴുവനായി വെള്ളത്തില് മുങ്ങിയ നിലയിലായിരുന്നു. ഉടൻ ഫയർഫോഴ്സിനെയും പോലീസിനെയും വിവരം അറിയിച്ചു.
ഫയർഫോഴ്സ് എത്തി നടത്തിയ രക്ഷാപ്രവർത്തനത്തിലാണ് ഡ്രൈവറെ പുറത്തെടുത്തത്. കാർ വെള്ളത്തില് വീണ ഉടൻ ഡ്രൈവർ പുറത്തേക്ക് ചാടിയതാണ് ജീവൻ രക്ഷിച്ചതെന്ന് നാട്ടുകാർ പറഞ്ഞു. ഡ്രൈവർക്ക് നിസ്സാര പരുക്കുകള് മാത്രമേയുള്ളൂ.
അപകടത്തില് കിണറിന് കേടുപാടുകള് സംഭവിച്ചു. കാർ പൂർണമായും തകർന്നിട്ടുണ്ട്. ക്രെയിൻ ഉപയോഗിച്ച് കാർ പുറത്തെടുക്കാനുള്ള നടപടികള് പോലീസ് ആരംഭിച്ചിട്ടുണ്ട്.
കുന്നിറക്കത്തില് പതിവായി അപകടങ്ങള് ഉണ്ടാകുന്ന സ്ഥലമാണിതെന്ന് പ്രദേശവാസികള് പറഞ്ഞു. ഇവിടെ സുരക്ഷാ ഭിത്തി നിർമ്മിക്കണമെന്ന ആവശ്യവും ശക്തമാണ്.
إرسال تعليق