കണ്ണൂർ: കണ്ണൂർ കോർപ്പറേഷന്റെ ആഭിമുഖ്യത്തിൽ സംഘടിപ്പിക്കുന്ന പത്തുനാൾ നീണ്ടുനിൽക്കുന്ന ദസറ ആഘോഷങ്ങൾക്ക് ഇന്ന് (ഒക്ടോബർ 12) തിരിതെളിയും. കലക്ടറേറ്റ് മൈതാനിയിൽ വെച്ച് നടക്കുന്ന സാംസ്കാരിക സമ്മേളനം ആഭ്യന്തര മന്ത്രി രമേശ് ചെന്നിത്തല ഉദ്ഘാടനം ചെയ്യും. കണ്ണൂർ കോർപ്പറേഷൻ മേയർ പി. ഇന്ദിര ചടങ്ങിൽ അധ്യക്ഷത വഹിക്കും.
എം.പി. കെ. സുധാകരൻ, എം.എൽ.എമാരായ ടി.ഒ. മോഹനൻ, കെ.വി. സുമേഷ്, ജില്ലാ പഞ്ചായത്ത് പ്രസിഡന്റ് ബിനോയ് കുര്യൻ, ജില്ലാ കളക്ടർ പി. വിഷ്ണുരാജ് ഐ.എ.എസ്, ഡി.ഐ.ജി. കെ. കാർത്തിക് ഐ.പി.എസ്, സിറ്റി പോലീസ് കമ്മീഷണർ വിജയ് ഭാരത് റെഡ്ഡി ഐ.പി.എസ്, ചലച്ചിത്ര താരം ജയരാജ് വാര്യർ, പരിസ്ഥിതി പ്രവർത്തകൻ പി.പി. കൃഷ്ണൻ മാസ്റ്റർ തുടങ്ങി രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖർ ചടങ്ങിൽ സംബന്ധിക്കും.
ഉദ്ഘാടന ചടങ്ങിന് ശേഷം വിവിധ സാംസ്കാരിക-കലാരൂപങ്ങളും വേദിയിൽ അരങ്ങേറും. വിനിത നിഷാന്ത് അവതരിപ്പിക്കുന്ന ശാസ്ത്രീയ സംഗീതം, ഉമാ ശങ്കരവും സംഘവും അവതരിപ്പിക്കുന്ന തിരുവാതിര, ആയിഷാനി സനേഷ്, മഹേഷ് എന്നിവരുടെ ക്ലാസിക്കൽ ഡാൻസ്, നടനം നൃത്ത വിദ്യാലയത്തിന്റെ കൃഷ്ണ നൃത്തം, അഞ്ജലി ശരത്തിന്റെ ഭരതനാട്യം, ലാസ്യ നല്ലാഞ്ചിയുടെ കൈകൊട്ടിക്കളി എന്നിവയ്ക്ക് ശേഷം പ്രശസ്ത ഗായകൻ കെ.എസ്. ഹരിശങ്കർ അവതരിപ്പിക്കുന്ന 'ഹരിശങ്കർ ലൈവ്' മ്യൂസിക് ഷോയും നടക്കും.
إرسال تعليق