തിരുവനന്തപുരം: സംസ്ഥാനത്ത് കോവിഡ് നിയന്ത്രനത്തിന്റെ ഭാഗമായുള്ള ആരോഗ്യ വകുപ്പിന്റെ മാനസികാരോഗ്യ പരിപാടിയുടെ നേതൃത്വത്തില് ഇതുവരെ 66 ലക്ഷം പേര്ക്ക് സൈക്കോ സോഷ്യല് സപ്പോര്ട്ട് സേവനങ്ങള് നല്കിയതായി ആരോഗ്യമന്ത്രി കെ കെ ശൈലജ ടീച്ചർ അറിയിച്ചു.
ഇതിനായി സംസ്ഥാനത്ത് 1304 മാനസികാരോഗ്യ പ്രവര്ത്തകരെയാണ് സജ്ജമാക്കിയത്. 2020 ഫെബ്രുവരി നാലിന് ആരംഭിച്ച സര്ക്കാര് സൈക്കോ സോഷ്യല് സപ്പോര്ട്ട് ടീം ആശുപത്രിയിലും വീട്ടിലും നീരിക്ഷണത്തില് കഴിഞ്ഞിരുന്ന 28.24 ലക്ഷം പേര്ക്ക് പരിചരണം നല്കിയതായും മന്ത്രി വ്യക്തമാക്കി
ആരോഗ്യ വകുപ്പ്, വനിത ശിശുവികസന വകുപ്പ്, സാമൂഹ്യനീതി വകുപ്പ് എന്നിവരുടെ സഹകരണത്തോടെ മാനസികാരോഗ്യ പരിപാടിയുടെ കീഴില് സ്കൂള് കൗണ്സിലര്മാരേയും ഐസിടിസി കൗണ്സിലര്മാരെയും ഉള്പ്പെടുത്തിയാണ് കോവിഡുമായി
ബന്ധപ്പെട്ട് ആശുപത്രിയും വീട്ടിലും നിരീക്ഷണത്തില് കഴിയുന്നവരുടെ മാനസികാരോഗ്യ സാമൂഹിക പ്രശ്നങ്ങള് കണ്ടെത്തി പരിഹരിച്ച് വരുന്നത്.
നീരിക്ഷണത്തിലുള്ള ഓരോരുത്തരുമായും മാനസികാരോഗ്യ പ്രവര്ത്തകര് ബന്ധപ്പെടുന്നുണ്ട്. എന്തെങ്കിലും ബുദ്ധിമുട്ടുകള് ഉള്ളവര്ക്ക് അതിനുള്ള പരിഹാര മാര്ഗങ്ങളും ചികിൽസയും മാനസികാരോഗ്യ പരിപാടിയിലെ വിദഗ്ധർ നല്കുന്നു. കുടുംബാംഗങ്ങള്ക്കും ആവശ്യമെങ്കില് കൗണ്സിലിംഗ് നല്കുന്നതാണ്. കൂടാതെ അവര്ക്ക് തിരിച്ച് ബന്ധപ്പെടാന് വേണ്ടി ഹെല്പ് ലൈന് നമ്പര് നല്കുകയും ചെയ്യുന്നു.
എല്ലാ ജില്ലകളിലും സൈക്കോ സോഷ്യല് ഹെല്പ് ലൈന് നമ്പറുകള് ലഭ്യമാണ്. ഇതിന് പുറമേ സംസ്ഥാന അടിസ്ഥാനത്തില് ദിശ ഹെല്പ് ലൈന് 1056, 0471 2552056 എന്നീ നമ്പറുകളില് 24 മണിക്കൂറും സേവനം ലഭ്യമാണ്.
إرسال تعليق