വാക്കേറ്റവും കയ്യാങ്കളിയും ബോംബും വടി വാളുമായി ഒരു സംഘം ഭീഷണിപ്പെടുത്തുകയും ചെയ്ത സംഭവത്തിന്റെ പശ്ചാത്തലത്തിലായിരുന്നു റെയ്ഡ്.
ഇന്നലെ വൈകുന്നേരം അഞ്ചോടെയാണ് പയ്യന്നൂര് പോലീസും പഴയങ്ങാടി പോലീസും കണ്ണൂരില്നിന്നെത്തിയ ബോംബുസ്ക്വാഡും ഡോഗ് സ്ക്വാഡും ചേര്ന്ന് രാമന്തളിയിലെ ചിറ്റടി, മൊട്ടക്കുന്ന് എന്നിവിടങ്ങളില് റെയ്ഡ് നടത്തിയത്. ചിറ്റടിയിലെ ആളൊഴിഞ്ഞ പറമ്പിലെ കുറ്റിക്കാട്ടില് ഒളിപ്പിച്ച് വെച്ച നിലയിലാണ് ബോംബും വാളും കണ്ടെത്തിയത്. ഒരുമീറ്ററിനടുത്ത് നീളമുള്ള വാള് തുരുമ്പ് പിടിച്ച നിലയിലായിരുന്നു. തുണിസഞ്ചിയില് പൊതിഞ്ഞ നിലയിലായിരുന്നു ഇവ കണ്ടെത്തിയത്. മുകളില് രണ്ട് എന്നെഴുതിയ സ്റ്റിക്കര് ഒട്ടിച്ച ബോംബുകളുംവാളും കസ്റ്റഡിയിലെടുത്ത പോലീസ് ബോംബ് സമീപത്തെ ഉപയോഗിക്കാത്ത ക്വാറയിൽ കൊണ്ടുപോയി പൊട്ടിച്ച് നിര്വീര്യമാക്കി.തുടർന്ന് ആയുധ നിരോധന നിയമപ്രകാരവും എക്സ്പ്ലോസീവ് ആക്ട് പ്രകാരവും കേസെടുത്ത പോലീസ് അന്വേഷണം തുടങ്ങി.
ഞായറാഴ്ച വൈകുന്നേരം വാക്കേറ്റത്തെത്തുടര്ന്ന് ബോംബും വാളുമായി തടഞ്ഞുനിര്ത്തി ഭീകരാന്തരീക്ഷം സൃഷ്ടിച്ച് ഭീഷണിപ്പെടുത്തിയെന്ന എട്ടിക്കുളത്തെ എന്.പി. ദീപകിന്റെ പരാതിയില് കുന്നരുവിലെ സി.വി.ധനരാജ് വധക്കേസിലെ പ്രതികൂടിയായ കക്കം പാറയിലെ മാട്ടൂക്കാരൻ വൈശാഖിനെ (30) വധശ്രമ കേസിൽ പോലീസ് അറസ്റ്റു ചെയ്തിരുന്നു. കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻ്റ് ചെയ്തിട്ടുണ്ട്
إرسال تعليق