മയ്യഴി : പള്ളൂർ സബ് സ്റ്റേഷന് സമീപമുള്ള മാഹി ബൈപ്പാസ് അടിപ്പാതയിൽ ഭാരംകയറ്റിയ വലിയ ലോറി റോഡിൽ കുടുങ്ങി ഗതാഗതം തടസ്സപ്പെട്ടു. ലോറിയുടെ ചക്രങ്ങൾ സ്ലാബിന്റെ കുഴിയിൽ കുടുങ്ങിയതോടെയാണ് ഈ ഭാഗത്തേക്കുള്ള ഗതാഗതം താത്കാലികമായി തടസ്സപ്പെട്ടത്.
അടിപ്പാതയിലെ സ്ലാബുകൾ ദുർബലമായതിനെ തുടർന്ന് ലോറി കടന്നുപോകുന്നതിനിടെ സ്ലാബ് പൊട്ടി ടയർ താഴ്ന്നുപോവുകയായിരുന്നു.
പ്രദേശത്ത് നേരത്തെയും ഇത്തരത്തിലുള്ള ഗതാഗതപ്രശ്നങ്ങൾ പതിവാകുന്നതായി നാട്ടുകാർ പരാതിപ്പെട്ടു. ഭാരവാഹനങ്ങളുടെ നിയന്ത്രണമില്ലാത്ത സഞ്ചാരവും റോഡിന്റെ ശോച്യാവസ്ഥയും ഗതാഗതക്കുരുക്കുകൾക്ക് കാരണമാകുന്നു.
സംഭവസ്ഥലത്ത് എത്തിയ നാട്ടുകാരും അധികൃതരും ചേർന്ന് ലോറി നീക്കുന്നതിനുള്ള ശ്രമങ്ങൾ തുടരുകയാണ്.
അടിപ്പാതയിലെ സ്ലാബുകളുടെ അടിയന്തര അറ്റകുറ്റപ്പണികളും ഭാരവാഹനങ്ങളുടെ ഗതാഗതനിയന്ത്രണവും ഉടൻ നടപ്പാക്കണമെന്നാണ് ആവശ്യം.
Post a Comment