ധർമടം: ധർമടത്ത് നിന്ന് കാണാതായ 15 വയസ്സുകാരൻ സ്വദേശമായ ഉത്തർപ്രദേശിലേക്ക് പോയതായി പോലീസ് സ്ഥിരീകരിച്ചു. കുട്ടി തലശ്ശേരി റെയിൽവേ സ്റ്റേഷനിൽ എത്തി മഥുരയിലേക്കുള്ള ട്രെയിനിൽ കയറി യാത്ര തിരിച്ചതായി പോലീസ് അന്വേഷണത്തിൽ കണ്ടെത്തുകയായിരുന്നു.
കുട്ടിയെ കാണാതായതിനെ തുടർന്ന് ബന്ധുക്കൾ നൽകിയ പരാതിയിൽ അന്വേഷണം ആരംഭിച്ച ധർമടം പോലീസ്, സിസിടിവി ദൃശ്യങ്ങളും റെയിൽവേ സ്റ്റേഷനിലെ വിവരങ്ങളും കേന്ദ്രീകരിച്ച് നടത്തിയ അന്വേഷണത്തിലാണ് കുട്ടി ട്രെയിൻ മാർഗ്ഗം ജന്മനാട്ടിലേക്ക് തിരിച്ചുപോയതായി കണ്ടെത്തിയത്. കുട്ടിയെ സുരക്ഷിതമായി തിരിച്ചെത്തിക്കാനുള്ള നടപടികൾ പോലീസ് ആരംഭിച്ചിട്ടുണ്ട്.
Post a Comment